ఉత్సాహంగా మహిళా ఉద్యోగుల పోటీలు competitions

మార్చి 9న టీటీడీ ఆధ్వ‌ర్యంలో నిర్వ‌హించ‌నున్న అంతర్జాతీయ మహిళా దినోత్సవంను పురస్కరించుకుని టీటీడీ ఉద్యోగుల సంక్షేమ విభాగం ఆధ్వర్యంలో మహిళా ఉద్యోగులకు వివిధ అంశాల్లో పోటీలు నిర్వహిస్తున్నారు.

ఇందులో భాగంగా సోమవారం ఎస్వీ ఓరియంటల్ కళాశాలలో వ్యాసరచన, చిత్రలేఖనం పోటీలు నిర్వహించారు. చిత్రలేఖనం పోటీలలో పీఆర్వో (ఎఫ్ఏసి) కుమారి పి.నీలిమ ప్ర‌థ‌మ‌, శ్రీ‌మ‌తి శ‌శిక‌ళ ద్వితీయ‌, కుమారి ఇంద్ర‌జ తృతీయ స్థాన‌లో నిలిచారు.  అదేవిధంగా వ్యాసరచన పోటీల‌లో శ్రీ‌మ‌తి శ్రీ‌ల‌త ప్ర‌థ‌మ‌, శ్రీ‌మ‌తి అలేఖ్య ద్వితీయ‌, శ్రీ‌మ‌తి శ్రీ‌ల‌క్ష్మీ తృతీయ స్థాన‌లో నిలిచారు.  

మార్చి  4వ తేదీ మధ్యాహ్నం 3 గంటలకు ఎస్వీ ఓరియంటల్ కళాశాలలో క్విజ్ పోటీలు నిర్వహిస్తారు. మార్చి 5వ తేదీ ఉదయం 10 గంటలకు ఎస్వీ సంగీత, నృత్య కళాశాలలో సంగీతంలో పోటీలు నిర్వహిస్తారు. టిటిడి డిప్యూటీ ఈవో (సంక్షేమం) శ్రీ ఆనంద‌రాజు ఈ పోటీలను పర్యవేక్షిస్తున్నారు.