సింహ వాహనంపై విహరించిన శ్రీ సౌమ్యనాథస్వామి Vahana sevas

అన్నమయ్య జిల్లా నందలూరు శ్రీ సౌమ్యనాథస్వామి వార్షిక బ్రహ్మోత్సవాలలో భాగంగా జూలై 07వ తేదీ ఉదయం పల్లకి ఉత్సవం చేపట్టారు.  ఉదయం 11 గం.లకు స్వామివారికి స్నపన తిరుమంజనం నిర్వహించారు. సాయంత్రం స్వామివారికి డోలోత్సవము చేప్టటారు. రాత్రి 07. 00 గం.లకు సింహ వాహనంపై శ్రీ సౌమ్యనాథ స్వామి విహరించి భక్తులను అనుగ్రహించారు.

జూలై 08వ తేదీన ఉదయం పల్లకి ఉత్సవం, రాత్రి హనుమంత వాహనంపై స్వామివారు భక్తులను ఆశీర్వదించనున్నారు.

చంద్రప్రభ వాహనంపై శ్రీ సిద్దేశ్వర స్వామి :

తాళ్లపాక శ్రీ సిద్దేశ్వర స్వామి వారి బ్రహ్మోత్సవాలలో భాగంగా జూలై 07వ తేదీ ఉదయం పల్లకీ సేవ, సాయంత్రం 06 - 07 గం.ల మధ్య చంద్రప్రభ వాహనంపై శ్రీ సిద్ధేశ్వర స్వామి విహరించారు.

జూలై 08న ఉదయం పల్లకీ సేవ, సాయంత్రం చిన్న శేష వాహనంపై స్వామి వారు విహరించనున్నారు.

హంస వాహనంపై శ్రీ చెన్నకేశవ స్వామి

తాళ్లపాక శ్రీ చెన్నకేశవ స్వామి వారి బ్రహ్మోత్సవాలలో భాగంగా జూలై 07వ తేదీ ఉదయం పల్లకీ ఉత్సవం నిర్వహించారు. రాత్రి 07.00 గం.లకు హంస వాహనంపై స్వామి వారు విహరించి భక్తులను ఆశీర్వదించారు.

జూలై 08వ తేదీ ఉదయం పల్లకీ సేవ చేపడుతారు. రాత్రికి సింహ వాహనంపై శ్రీ చెన్నకేశవ స్వామి విహరించి భక్తులను అనుగ్రహిస్తారు.

ఈ కార్యక్రమంలో సూపరింటెండెంట్‌ శ్రీ హనుమంతయ్య, టెంపుల్‌ ఇన్‌స్పెక్టర్‌ శ్రీ దిలీప్ పాల్గొన్నారు.