మార్చి 19న టీటీడీ అనుబంధ ఆలయాల్లో ఉగాది వేడుకలు local temples

టీటీడీ స్థానిక ఆలయాల్లో గురువారం శ్రీ ప‌రాభ‌వ నామ‌ సంవత్సర ఉగాది వేడుకలు ఘనంగా నిర్వ‌హించ‌నున్నారు. తిరుచానూరు శ్రీ పద్మావతి అమ్మవారు, తిరుపతి శ్రీ గోవిందరాజస్వామివారు, శ్రీకోదండరామాలయంలో, శ్రీనివాసమంగాపురం శ్రీ కల్యాణ వేంకటేశ్వరస్వామివారి ఆలయం, అప్ప‌లాయ‌గుంట శ్రీ ప్ర‌స‌న్న వేంక‌టేశ్వ‌ర‌స్వామి, నారాయ‌ణ‌వ‌నం శ్రీ కల్యాణ వేంకటేశ్వరస్వామి, నాగ‌లాపురం శ్రీ వేద నారాయ‌ణ స్వామివారి ఆలయాల్లో ఉగాది సందర్భంగా ప్రత్యేక పూజా కార్యక్రమాలు నిర్వహించారు.

శ్రీ పద్మావతి అమ్మవారి ఆలయంలో :

తిరుచానూరు శ్రీ పద్మావతి అమ్మవారి ఆలయంలో ఉగాది పర్వదినం సందర్భంగా మధ్యాహ్నం 3 నుంచి 4 గంటల వరకు అమ్మవారి ఉత్సవర్లకు స్నపన తిరుమంజనం వైభవంగా నిర్వ‌హించ‌నున్నారు.

అనంతరం సాయంత్రం 6 గంటలకు అమ్మవారు పుష్పపల్లకీలో ఆలయ నాలుగు మాడ వీధుల్లో విహరించి భక్తులను అనుగ్ర‌హించ‌నున్నారు. రాత్రి 8 నుంచి 8.30 గంటల వరకు పంచాంగ శ్రవణం నిర్వహిస్తారు.

శ్రీ గోవిందరాజస్వామివారి ఆలయంలో :

తిరుపతి శ్రీ గోవిందరాజస్వామివారి ఆలయంలో సాయంత్రం 4.30 నుండి 6 గంట‌ల వ‌ర‌కు పంచాంగ శ్రవణం, ఉగాది ఆస్థానం చేపడ‌తారు.

శ్రీ కోదండరామాలయంలో :

తిరుపతి శ్రీ కోదండరామాలయంలో మ‌ధ్యాహ్నం 3 నుండి సాయంత్రం 4 గంటల వరకు ఉగాది ఆస్థానం, పంచాంగ శ్రవణం నిర్వహించ‌నున్నారు. ఈ సందర్భంగా జీయర్‌ స్వామివారు మూలవర్లకు, ఉత్సవర్లకు వస్త్ర సమర్పణ చేస్తారు.

శ్రీనివాస‌మంగాపురం శ్రీ క‌ల్యాణ వేంక‌టేశ్వ‌ర‌స్వామివారి ఆల‌యంలో :

శ్రీనివాస‌మంగాపురం శ్రీ క‌ల్యాణ వేంక‌టేశ్వ‌ర‌స్వామివారి ఆల‌యంలో ఉద‌యం 9 నుండి 10 గంటల వరకు ఉగాది ఆస్థానం, పంచాంగ శ్రవణం నిర్వహిస్తారు.

అప్ప‌లాయ‌గుంట‌ శ్రీ ప్ర‌స‌న్న‌ వేంక‌టేశ్వ‌ర‌స్వామివారి ఆల‌యంలో :

అప్ప‌లాయ‌గుంట‌ శ్రీ ప్ర‌స‌న్న‌ వేంక‌టేశ్వ‌ర‌స్వామివారి ఆల‌యంలో ఉద‌యం 8.30 నుండి 9.30 గంటల వరకు ఉగాది ఆస్థానం, పంచాంగ శ్రవణం నిర్వహించ‌నున్నారు.

నారాయ‌ణ‌వ‌నం శ్రీ క‌ల్యాణ వేంక‌టేశ్వ‌ర‌స్వామివారి ఆల‌యంలో :

నారాయ‌ణ‌వ‌నం శ్రీ క‌ల్యాణ వేంక‌టేశ్వ‌ర‌స్వామివారి ఆల‌యంలో సాయంత్రం 5.30 నుండి 6.45 గంటల వరకు ఉగాది ఆస్థానం, పంచాంగ శ్రవణం నిర్వహిస్తారు.

నాగ‌లాపురం శ్రీ వేద నారాయ‌ణ స్వామివారి ఆల‌యంలో :

నాగ‌లాపురం శ్రీ వేద నారాయ‌ణ స్వామివారి ఆల‌యంలో సాయంత్రం 5.30 నుండి 6.30 గంటల వరకు ఉగాది ఆస్థానం, పంచాంగ శ్రవణం నిర్వహిస్తారు.

అదేవిధంగా కార్వేటిన‌గ‌రం శ్రీ వేణుగోపాల‌స్వామి, వాల్మీకిపురం శ్రీ కోదండ‌రామ‌స్వామి, త‌రిగొండ శ్రీ లక్ష్మీ న‌ర‌సింహ‌స్వామి, ఇత‌ర అనుబంధ ఆల‌యాల‌లో గురువారం ఉగాది ఆస్థానం ఘ‌నంగా నిర్వ‌హించ‌నున్నారు.