టీటీడీ రవాణా విభాగంలో ఘనంగా ఆయుధపూజ ayudha pooja

టీటీడీ రవాణా శాఖ విభాగంలో ప్రతి ఏటా నిర్వహించే ఆయుధపూజ గురువారం ఉదయం తిరుపతి లోని స్థానిక వర్క్‌షాపులో సాయంత్రం తిరుమల డిపోలో ఘనంగా జరిగింది. 

ఈ కార్యక్రమంలో రవాణా విభాగం జీఎం శ్రీ శేషారెడ్డి, డీఎం శ్రీమతి లక్ష్మీ ప్రసన్న, పలువురు విభాగాధిపతులు, తిరుపతి-తిరుమల డిఐ లు,  డ్రైవర్లు, సిబ్బంది పాల్గొన్నారు.

ఈ సందర్భంగా టీటీడీ రవాణా విభాగం లోని దాదాపు 340 వాహనాలు, 90 ద్విచక్ర వాహనాలకు వివిధ పుష్పాలు, తోరణాలతో అలంకరించి ఆయుధపూజను ఘనంగా నిర్వహించారు. 

శ్రీవారి నమూనా విగ్రహానికి పూజలు నిర్వహించిన అనంతరం ప్రసాదాలు పంపిణీ చేశారు.