మార్చి 19న మహతిలో ఉగాది సంబరాలు ugadi celebrations

టీటీడీ హిందూ ధర్మప్రచార పరిషత్ మరియు సంక్షేమ విభాగం సంయుక్త ఆధ్వర్యంలో శ్రీ పరాభవ నామ సంవత్సర ఉగాది వేడుకలు మార్చి 19న తిరుపతిలోని మహతి కళాక్షేత్రంలో ఘనంగా నిర్వహించబడనున్నాయి.

ఈ కార్యక్రమం ఉదయం 9.30 గంటలకు ప్రారంభమవుతుంది. ఎస్వీ సంగీత, నృత్య కళాశాల ఆధ్వర్యంలో మంగళధ్వని నిర్వహించబడుతుంది. అనంతరం ఎస్వీ ఉన్నత వేద విద్యాధ్యయన సంస్థ పండితులు వేదపారాయణం చేస్తారు.

ఉదయం 10.05 గంటలకు ప్రముఖ పండితులు పంచాంగ శ్రవణం చేపడుతారు. అటు తర్వాత కవి సమ్మేళనం జరుగుతుంది.

అనంతరం డా. పూజారి వరలక్ష్మి భగవద్గీత అనుష్టానం, శ్రీ హేమ వేంకట నారాయణ భగవద్గీత అష్టావధానం నిర్వహిస్తారు. టీటీడీ ఉద్యోగుల పిల్లలతో సాంస్కృతిక కార్యక్రమాలు ఉంటాయి.

పలు పోటీల్లో గెలిచిన ఉద్యోగులకు బహుమతులు అందజేస్తారు. చివరగా ఉగాది పచ్చడి ప్రసాదంగా పంపిణీ చేస్తారు.