పెన్నానది తీరాన భక్తి వెలుగులు… శ్రీ నారాపుర వేంకటేశ్వరస్వామి బ్రహ్మోత్సవాల వైభవోత్సవం జమ్మలమడుగులో ఏప్రిల్ 30 నుండి మే 10వ తేదీ వరకు వార్షిక బ్రహ్మోత్సవాలు brahmotsavams

కడప జిల్లా జమ్మలమడుగులోని శ్రీ నారాపుర వేంకటేశ్వరస్వామి వారి వార్షిక బ్రహ్మోత్సవాలు ఏప్రిల్ 30 నుండి మే 10వ తేదీ వరకు భక్తి శ్రద్ధలతో వైభవంగా నిర్వహించనున్నారు. ఏప్రిల్ 30న అంకురార్పణంతో ఈ ఉత్సవాలు ఘనంగా ప్రారంభమవుతాయి.

బ్రహ్మోత్సవాల సందర్భంగా ప్రతిరోజూ ఉదయం 8 గంటలకు, రాత్రి 7 గంటలకు స్వామివారి వాహనసేవలు జరుగుతాయి. మే 10వ తేదీన సాయంత్రం 6 గంటలకు పుష్పయాగంతో ఉత్సవాలు ముగుస్తాయి.

వాహనసేవల ముఖ్య కార్యక్రమాలు

మే 1

ఉదయం – ధ్వజారోహణం (ఉదయం 9.30 నుండి 10.15 వరకు)

రాత్రి – పెద్దశేష వాహనం

మే 2

ఉదయం – చిన్నశేష వాహనం

రాత్రి – హంస వాహనం

మే 3

ఉదయం – ముత్యపుపందిరి వాహనం

రాత్రి – సింహ వాహనం

మే 4

ఉదయం – కల్పవృక్ష వాహనం

రాత్రి – హనుమంత వాహనం

మే 5

ఉదయం – పల్లకీ ఉత్సవం

రాత్రి – గరుడ వాహనం

మే 6

ఉదయం – సర్వభూపాల వాహనం

సాయంత్రం 6 గంటలకు – కల్యాణోత్సవం

రాత్రి 8 గంటలకు – గజ వాహనం

మే 7

ఉదయం – రథోత్సవం

రాత్రి – అశ్వవాహనం

మే 8

ఉదయం – సూర్యప్రభ వాహనం

రాత్రి – చంద్రప్రభ వాహనం

మే 9

ఉదయం – చక్రస్నానం (ఉదయం 10.45 నుండి 11.05 వరకు)

రాత్రి – ధ్వజావరోహణం

కల్యాణోత్సవం వివరాలు

మే 6వ తేదీ సాయంత్రం 6 గంటలకు స్వామివారి కల్యాణోత్సవం నిర్వహిస్తారు. రూ.300/- చెల్లించి గృహస్తులు ఈ సేవలో పాల్గొనవచ్చు. పాల్గొనే గృహస్తులకు ఒక ఉత్తరీయం, ఒక రవికె, ఒక లడ్డు, ఒక అప్పం, అన్నప్రసాదాలు అందజేస్తారు.

భక్తి కార్యక్రమాలు

ఈ బ్రహ్మోత్సవాల సందర్భంగా హిందూ ధర్మప్రచార పరిషత్‌, దాససాహిత్య ప్రాజెక్టు, అన్నమాచార్య ప్రాజెక్టుల ఆధ్వర్యంలో ప్రతిరోజూ భక్తి సంగీతం, హరికథలు, కోలాటాలు తదితర ధార్మిక కార్యక్రమాలు నిర్వహించబడతాయి. భక్తులు అధిక సంఖ్యలో పాల్గొని స్వామివారి అనుగ్రహం పొందాలని కోరడమైనది.

స్థల పురాణం

పవిత్ర పెన్నానది తీరాన ఉన్న జంబులతో నిండిన మడుగు ప్రాంతం కాలక్రమంలో జమ్మలమడుగుగా మారినట్లు చెబుతారు. స్థలపురాణం ప్రకారం నారాపురయ్య అనే భక్తునికి శ్రీ వేంకటేశ్వర స్వామి కలలో దర్శనమిచ్చి తనను ప్రతిష్టించమని ఆజ్ఞాపించగా, మడుగులో లభించిన స్వామివారి విగ్రహాన్ని ఉత్తర దిశలోని ఇసుకదిన్నెలో ప్రతిష్టించారు. అందువల్ల ఈ ఆలయం “శ్రీ నారాపుర వేంకటేశ్వర స్వామి ఆలయం”గా ప్రసిద్ధి చెందింది.

కాలక్రమంలో శిథిలమైన ఈ ఆలయం 1919లో భక్తుల సహకారంతో పునర్నిర్మించబడింది. అనంతరం 2008 అక్టోబర్ 23న ఈ ఆలయం టీటీడీ ఆధీనంలోకి వచ్చి, అప్పటి నుండి నిత్యపూజలు, ఉత్సవాలు వైభవంగా నిర్వహిస్తున్నారు.