మార్చి నెల దర్శన కోటా విడుదల వివరాలు march darshan quota

మార్చి నెల దర్శన కోటా విడుదల వివరాలు march darshan quota

Spiritual   6:09 AM

2026 మార్చి నెలకు సంబంధించి టీటీడీ విడుదల చేయు వివిధ దర్శనాల, గదుల కోటా వివరాలు ఈ విధంగా ఉన్నాయి.

తిరుమ‌ల శ్రీ‌వారి ఆర్జిత సేవా టికెట్ల( సుప్రభాతం, తోమాల, అర్చన, అష్టదళ పాదపద్మారాధన సేవ) కు సంబంధించిన మార్చి నెల కోటాను డిసెంబ‌ర్ 18న ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది.

ఈ సేవా టికెట్లు ఎలక్ట్రానిక్ డిప్ కోసం డిసెంబ‌ర్ 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు.

ఈ టికెట్లు పొందిన వారు డిసెంబ‌ర్ 20 నుండి 22వ తేదీ మధ్యాహ్నం 12 గంటల లోపు సొమ్ము చెల్లించిన వారికి టికెట్లు మంజూరవుతాయి.

22న ఆర్జిత సేవా టికెట్ల విడుదల

కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ, శ్రీ‌వారి సాల‌క‌ట్ల తెప్పోత్స‌వాలు, శ్రీ‌వారి సాల‌క‌ట్ల‌ వ‌సంతోత్స‌వాల‌ టికెట్లను 22న ఉదయం 10 గంటలకు టీటీడీ ఆన్ లైన్ లో విడుదల చేయ‌నుంది.

వర్చువల్ సేవల కోటా విడుదల

వర్చువల్ సేవలు, వాటి దర్శన స్లాట్లకు సంబంధించిన కోటాను 22న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయ‌నుంది.

23న అంగ ప్రదక్షిణ టోకెన్లు విడుదల

అంగ ప్రదక్షిణ టోకెన్ల కోటాను 23న ఉదయం 10 గంటలకు విడుదల చేయనున్నారు.

శ్రీవాణి దర్శన కోటా విడుదల

శ్రీవాణి ట్రస్టు దర్శన టికెట్ల కోటాను 23న ఉదయం 11 గంటలకు విడుదల చేయనున్నారు.

వృద్ధులు, దివ్యాంగుల దర్శన కోటా…

వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీ‌వారిని ద‌ర్శించుకునేందుకు వీలుగా ఉచిత‌ ప్ర‌త్యేక ద‌ర్శ‌నం టోకెన్ల కోటాను 23న మధ్యాహ్నం 3 గంట‌ల‌కు టీటీడీ ఆన్‌లైన్‌లో విడుద‌ల చేయ‌నుంది.

24న ప్రత్యేక ప్రవేశ దర్శన టికెట్ల కోటా విడుదల

ప్రత్యేక ప్రవేశ దర్శన టికెట్ల కోటాను 24న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

తిరుమ‌ల‌, తిరుప‌తిల‌లో గదుల కోటా విడుద‌ల‌…

తిరుమల, తిరుపతిల‌లో గదుల కోటాను 24న మధ్యాహ్నం 3 గంటలకు ఆన్‌లైన్‌లో విడుదల చేస్తారు.

https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, ద‌ర్శ‌న టికెట్లు బుక్ చేసుకోవాల‌ని కోర‌డ‌మైన‌ది.

Sabarimala Sannidhanam 16th Dec 2025-03

Sabarimala Sannidhanam 16th Dec 2025-03

Spiritual   6:08 AM

 

తిరుమ‌ల త‌ర‌హాలో తిరుచానూరు, గోవింద‌రాజ‌స్వామి ఆల‌యాల్లో భ‌క్తుల నుండి అభిప్రాయ సేక‌ర‌ణ‌ devotee feedback

తిరుమ‌ల త‌ర‌హాలో తిరుచానూరు, గోవింద‌రాజ‌స్వామి ఆల‌యాల్లో భ‌క్తుల నుండి అభిప్రాయ సేక‌ర‌ణ‌ devotee feedback

Spiritual   6:07 AM

దేశ‌వ్యాప్తం ఉన్న 60 టీటీడీ  ఆలయాల్లో భ‌క్తులు  సులభతరంగా యూపీఐ పేమెంట్లు చేసేందుకు వీలుగా కియోస్క్ మిష‌న్లు, క్యూఆర్ కోడ్స్ ఏర్పాటు చేయాల‌ని అధికారుల‌ను టీటీడీ ఈవో శ్రీ అనిల్ కుమార్ సింఘాల్ ఆదేశించారు. తిరుప‌తిలోని టీటీడీ ప‌రిపాల‌నా భ‌వ‌నంలో గ‌ల ఆయ‌న కార్యాల‌యంలో సోమ‌వారం ఉద‌యం ఈవో సీనియ‌ర్ అధికారుల‌తో స‌మీక్షా స‌మావేశం నిర్వ‌హించారు.

ఈ సంద‌ర్భంగా ఆయ‌న మాట్లాడుతూ వెనుక‌బ‌డిన ప్రాంతాల్లో టీటీడీ నిర్మించ‌ద‌ల‌చిన ఐదువేల ఆల‌యాల‌కు గాను అవసరమైన రెండు, మూడు డిజైన్లు సిద్ధం చేయాల‌ని సీఈని ఆదేశించారు. త‌ద్వారా ఆయా ప్రాంతాల్లో ఆల‌యాల నిర్మాణ ప్ర‌క్రియ వేగ‌వంత‌మ‌వుతుంద‌ని తెలిపారు.

తిరుప‌తిలోని వినాయ‌క న‌గ‌ర్ వ‌ద్ద ఉన్న టీటీడీ స్టాఫ్ క్వార్ట‌ర్స్ ఆధునీక‌ర‌ణ ప‌నుల‌ను త్వ‌రిత‌గ‌తిన చేప‌ట్టేందుకు చ‌ర్య‌లు తీసుకోవాల‌ని చీఫ్ ఇంజనీర్ ను ఆదేశించారు. ఆ ప్రాంతంలో సీసీ కెమెరాల ఏర్పాటు ప‌నుల‌ను కూడా వేగ‌వంతం చేయాల‌న్నారు. అదేవిధంగా కాంట్రాక్ట‌ర్లకు చెల్లించాల్సిన బిల్లుల విష‌యంలో ఎలాంటి జాప్యం లేకుండా చూడాల‌న్నారు.

అప్ప‌లాయ‌గుంట ఆల‌యం వ‌ద్ద భ‌క్తుల‌కు స‌మాచారం తెలిసేలా స‌మాచార సూచిక బోర్డులు ఏర్పాటు చేయాల‌ని ఆదేశించారు. శ్రీ‌వారి  ఆలయం లో ఉన్న క‌దిలే వంతెన మ‌ర‌మ్మ‌తు ప‌నుల‌ను వైకుంఠ ఏకాద‌శిలోపు పూర్తి చేయాల‌ని అధికారుల‌ను ఆదేశించారు. ముంబైలోని బాంద్రా  ఆల‌యంలో జేఈవో, చీఫ్ ఇంజనీర్,సంబంధిత అధికారుల‌తో క్షేత్ర‌స్థాయి ప‌రిశీల‌న చేసి అవ‌స‌ర‌మైన చ‌ర్య‌లు తీసుకోవాల‌ని ఆదేశించారు. 

స్థానికాలయాల‌కు నియ‌మించిన ప్ర‌త్యేక అధికారులు ఆయా ఆల‌యాల అభివృద్ధికి సంబంధిత అధికారుల తో స‌మ‌న్వ‌యం చేసుకుని స‌త్వ‌ర చ‌ర్య‌లు చేప‌ట్టాల్సిందిగా ఆదేశించారు. తిరుమ‌ల త‌ర‌హాలో తిరుచానూరు, తిరుప‌తి గోవింద‌రాజ‌స్వామి ఆల‌యంలో కూడా టీటీడీ అందిస్తున్న సేవ‌ల‌పై భ‌క్తుల నుండి అభిప్రాయ సేక‌ర‌ణ చేయాల‌ని చెప్పారు.

క‌ర్ణాట‌క‌లోని బెల‌గావి లో ఆల‌యం నిర్మాణం, బీహార్ లోని పాట్నాలో శ్రీ‌వారి ఆల‌య నిర్మాణానికి స్థ‌లం కేటాయింపుపై ఆయా అధికారులతో సంప్ర‌దించి ఆల‌యాల నిర్మాణానికి చ‌ర్య‌లు తీసుకోవాల‌న్నారు. 

ధార్మిక ప్ర‌చుర‌ణ‌ల‌కు సంబంధించి ఇదివ‌ర‌కే ముద్రించిన పుస్త‌కాల పంపిణీ విష‌యంలో త‌గు సూచ‌న‌లు చేసేందుకు నిపుణుల క‌మిటీ ఏర్పాటు చేయాల‌న్నారు. అదేవిధంగా టీటీడీ ప్ర‌చుర‌ణ‌ల్లో బాగా డిమాండ్ ఉన్న పుస్త‌కాల‌ను పాఠ‌కుల అభిరుచి మేర‌కు  పునర్ ముద్రణకు  త‌గు చ‌ర్య‌లు తీసుకోవాల‌ని ఆయ‌న జేఈవోకు సూచించారు.

ఈ స‌మావేశంలో టీటీడీ జేఈవో శ్రీ వీర‌బ్ర‌హ్మం, సీవీ&ఎస్వో శ్రీ ముర‌ళీకృష్ణ‌, ఎఫ్ఏ&సీఏఓ శ్రీ బాలాజీ, సీఈ శ్రీ స‌త్య‌నారాయ‌ణ‌, డిప్యూటీ సీఎఫ్ శ్రీ ఫ‌ణి కుమార్, ఇత‌ర అధికారులు పాల్గొన్నారు.

Silver Coin Necklace Donated to Sri Srinivasa Vari Temple at Tiruchanoor

Silver Coin Necklace Donated to Sri Srinivasa Vari Temple at Tiruchanoor

Spiritual   6:05 AM

A silver coin necklace was donated to Sri Srinivasa Temple, Tiruchanoor, which is under the management of TTD, by Tirupati-based donors Smt. N. Nithyashree and her spouse on Monday.

The silver coin necklace,  crafted with 24 silver coins was handedover to the AE0 of Sri Padmavathi Ammavari Temple, Tiruchanoor, Sri Devarajulu.

Temple priests and others were also present.

తిరుచానూరు శ్రీనివాస ఆలయానికి వెండి కాసుల హారం విరాళం silver coin

తిరుచానూరు శ్రీనివాస ఆలయానికి వెండి కాసుల హారం విరాళం silver coin

Spiritual   6:05 AM

తిరుచానూరులో టిటిడి ఆధ్వర్యంలోని శ్రీ శ్రీనివాస ఆలయానికి తిరుపతికి చెందిన శ్రీమతి ఎన్. నిత్యశ్రీ దంపతులు సోమవారం ఉదయం స్వామివారికి 24 వెండి కాసుల హారంను బహుకరించారు. 

ఈ సందర్భంగా 24 వెండి కాసులతో తయారు చేసిన గండ పేరుండంతో పొదిగిన వెండి కాసుల హారాన్ని దాత శ్రీమతి ఎన్ నిత్యశ్రీ తిరుచానూరు శ్రీ పద్మావతి అమ్మవారి ఆలయ ఏఈవో శ్రీ దేవరాజులుకు అందజేశారు. 

ఈ కార్యక్రమంలో ఆలయ అర్చకులు శ్రీ శ్రావణ్ కుమార్, శ్రీ శ్రీహరి, సీనియర్ అసిస్టెంట్ శ్రీ ప్రసాద్, టెంపుల్ ఇన్స్పెక్టర్ శ్రీ శ్రీహరి, దాత కుటుంబ సభ్యులు పాల్గొన్నారు.