సెప్టెంబరు 22 నుంచి అక్టోబ‌రు 2వ తేదీ వరకు శ్రీశేషాచల లింగేశ్వర స్వామి ఆలయంలో నవరాత్రి ఉత్సవాలు navaratri celebrations

చంద్రగిరి మండలం కందులవారి పల్లెలో వెలసిన శ్రీ శేషాచల లింగేశ్వర స్వామి ఆలయంలో సెప్టెంబరు 22 నుంచి అక్టోబ‌రు 2వ తేదీ వరకు నవరాత్రి ఉత్సవాలు జరుగనున్నాయి. ఈ సందర్భంగా సదరు రోజులలో ఉదయం శ్రీ శేషాచల లింగేశ్వర స్వామి, పరివార దేవతలకు, శ్రీ ఉమామహేశ్వరి అమ్మవారికి అభిషేకం నిర్వహిస్తారు. అక్టోబర్ 02వ తేదీన విజయదశమి సందర్భంగా రుద్ర హోమం ఉదయం 10 గం.లకు జరుగనుంది.

నవరాత్రి ఉత్సవాలలో భాగంగా సెప్టెంబర్ 22న ఉమామహేశ్వరి దేవి అలంకారం, 23వ తేదీ శ్రీ బాల త్రిపుర సుందరి దేవి అలంకారం, 24వ తేదీ శ్రీ గాయత్రి దేవి అలంకారం, 25వ తేదీ శ్రీ అన్నపూర్ణ దేవి అలంకారం, 26వ తేదీ శ్రీ లలితా దేవి అలంకారం, 27వ తేదీ శ్రీ మహాలక్ష్మీ దేవి అలంకారం, 28వ తేదీ శ్రీ మహిషాసురమర్దిని దేవి అలంకారం, 29వ తేదీ శ్రీ సరస్వతి దేవి అలంకారం, 30వ తేదీ శ్రీ దుర్గా దేవి అలంకారం, అక్టోబర్ 01వ తేదీ శ్రీ రాజరాజేశ్వరి దేవి అలంకారం, అక్టోబర్ 02వ తేదీ శ్రీ రాజరాజేశ్వరి దేవి అలంకారాలలో అమ్మవారు భక్తులకు దర్శనం ఇవ్వనున్నారు.