దేవుని కడప శ్రీ లక్ష్మీవేంకటేశ్వరస్వామివారి ఆలయంలో పవిత్రోత్సవాల‌కు అంకురార్ప‌ణ‌ Devuni Kadapa

కడప జిల్లా దేవుని కడప శ్రీ లక్ష్మీ వేంకటేశ్వరస్వామివారి ఆలయంలో ప‌విత్రోత్స‌వాల‌కు గురువారం సాయంత్రం శాస్త్రోక్తంగా అంకురార్ఫ‌ణ నిర్వ‌హించారు. ఇందుకోసం సాయంత్రం 6 గంట‌ల‌కు విష్వక్సేనపూజ, పుణ్యాహ‌వ‌చ‌నం, ర‌క్షాబంధ‌నం, మృత్సంగ్రాహ‌ణం, అంకురార్పణ జ‌రిగింది.

సెప్టెంబరు 05వ తేదీ ఉదయం 9 నుండి మధ్యాహ్నం 1 గంట వరకు చ‌తుష్ఠార్చ‌న‌, ద్వార తోరణ, అనంత కళా పూజ, అగ్ని ప్రతిష్ట, పవిత్ర ప్రతిష్ట నిర్వహించనున్నారు. సాయంత్రం 4 నుండి 6 గంటల వరకు నిత్య హోమం నిర్వహిస్తారు.

సెప్టెంబరు 06వ తేదీ ఉదయం 9 నుండి మ‌ధ్యాహ్నం 1 గంట వరకు పవిత్ర సమర్పణ, సాయంత్రం 6 గంటలకు పవిత్ర హోమం నిర్వహించనున్నారు.

సెప్టెంబరు 07న ఉదయం 6 నుండి మ‌ధ్యాహ్నం 1 గంట వరకు పవిత్ర విసర్జనాలు, మహా పూర్ణాహుతి, కుంభ ప్రోక్షణ, పవిత్ర వితరణ త‌దిత‌ర కార్యక్రమాలు జరుగనున్నాయి. సాయంత్రం 5 గంటలకు ఆల‌యంలో స్వామి, అమ్మవార్లను ఊరేగించ‌నున్నారు.

ఈ కార్య‌క్ర‌మంలో ఆలయ అర్చకులు, టెంపుల్ ఇన్‌స్పెక్ట‌ర్ శ్రీ ఈశ్వర్ రెడ్డి పాల్గొన్నారు.