తిరుమలలో ఢిల్లీ శ్రీవేంకటేశ్వర కళాశాల గవర్నింగ్ బాడీ సమావేశం sv college

ఢిల్లీలోని శ్రీవేంకటేశ్వర కళాశాల 157వ గవర్నింగ్ బాడీ సమావేశం టీటీడీ చైర్మన్ బీ.ఆర్. నాయుడు అధ్యక్షతన బుధవారం తిరుమలలోని అన్నమయ్య భవన్ లో  జరిగింది.

ఈ సమావేశంలో టీటీడీ ఈవో శ్రీ ముద్దాడ రవిచంద్ర, టీటీడీ బోర్డు సభ్యురాలు శ్రీమతి పనబాక లక్ష్మి, కళాశాల ప్రిన్సిపల్ ప్రొ. వఝాల రవి పాల్గొన్నారు.

ఈ సమావేశంలో విద్యార్థుల సౌకర్యార్థం ఢిల్లీలో ఆడిటోరియం, అదనపు బ్లాకుల నిర్మాణం చేపట్టాలని నిర్ణయించారు. ఎండ తీవ్రతను దృష్టిలో ఉంచుకుని తరగతి గదుల్లో ఏసీలు ఏర్పాటు చేయాలని నిర్ణయం తీసుకున్నారు. 

అలాగే, టీటీడీ ఉద్యోగుల తరహాలో ఢిల్లీలోని శ్రీవేంకటేశ్వర కళాశాలలో పనిచేస్తున్న సిబ్బందికి లడ్డూ కార్డులు, శ్రీవారి దర్శనం కల్పించేందుకు ఆమోదం తెలిపారు. విద్యార్థులను పరిశోధనలు, ఆర్టికల్స్, పబ్లికేషన్స్ వైపు ప్రోత్సహించేలా ప్రత్యేక చర్యలు చేపట్టాలని సమావేశంలో నిర్ణయించారు.

 అంతకుముందు కళాశాల ప్రిన్సిపల్ ప్రొఫెసర్ వఝాల రవి కళాశాల అభివృద్ధి, విద్యా కార్యక్రమాలపై సమగ్ర నివేదికను చైర్మన్, ఈవోలకు నివేదించారు.