rspnetwork.in

17.3.26

శ్రీ కోదండరామస్వామివారి బ్రహ్మోత్సవాలకు శాస్త్రోక్తంగా అంకురార్పణ ankurarpanam

Spiritual 5:45 AM

తిరుపతి శ్రీ కోదండరామస్వామివారి బ్రహ్మోత్సవాలకు సోమ‌వారం రాత్రి శాస్త్రోక్తంగా అంకురార్పణ నిర్వహించారు.

ఉదయం సుప్రభాతంతో స్వామివారిని మేల్కొలిపి, తోమాల, సహస్రనామార్చన చేశారు. సాయంత్రం 5.30 నుండి రాత్రి 7 గంటల వరకు వేద ప్రబంధ శాత్తుమొర నిర్వహించారు. రాత్రి 7 నుండి 8.30 గంటల వరకు సేనాధిపతి ఉత్సవం, మేదినీపూజ, మృత్సంగ్రహణం, శాస్త్రోక్తంగా అంకురార్పణ నిర్వహించారు.

ఈ కార్యక్రమంలో తిరుమల శ్రీశ్రీశ్రీ పెద్ద జీయర్ స్వామి, శ్రీశ్రీశ్రీ చిన్న‌ జీయర్ స్వామి,ఆలయ డెప్యూటీ ఈవో శ్రీమ‌తి నాగరత్న, ఆల‌య ప్ర‌ధాన అర్చ‌కులు శ్రీ ఎపి.ఆనంద‌కుమార్ దీక్షితులు, టెంపుల్‌ ఇన్‌స్పెక్టర్ శ్రీ సురేష్‌, ఇతర అధికారులు పాల్గొన్నారు.

మార్చి 17న ధ్వజారోహణం :

మంగ‌ళ‌వారం ఉదయం 8 నుండి 9 గంటల మధ్య మేష ల‌గ్నంలో ధ్వజారోహణంతో స్వామివారి బ్రహ్మోత్సవాలు వైభవంగా ప్రారంభం కానున్నాయి. ఇందులో భాగంగా ఉదయం 6.30 నుండి 8 గంటల వరకు శ్రీ సీతాలక్ష్మణ సమేత శ్రీ కోదండరామస్వామివారు, ధ్వజపటము, చక్రతాళ్వారులకు తిరువీధి ఉత్సవం జరుగనుంది. అనంతరం శ్రీ సీతాలక్ష్మణ సమేత శ్రీకోదండరామస్వామి వారి సమక్షంలో ధ్వజారోహణం కార్యక్రమాన్ని నిర్వహించనున్నారు.

తరతరాలకు స్ఫూర్తినిచ్చే అన్నమయ్య సంకీర్తనల సాహిత్య సంపద– టీటీడీ పురాణ ఇతిహాస ప్రాజెక్టు ప్రత్యేకాధికారి శ్రీ కృష్ణమూర్తి annamayya

Spiritual 5:41 AM

శ్రీ తాళ్ళపాక అన్నమాచార్యుల సంకీర్తనలు భక్తి, తాత్వికత, మానవీయ విలువల సమ్మేళనంగా తరతరాలకు స్ఫూర్తినిచ్చే అపూర్వమైన సాహిత్య సంపదగా నిలిచాయని టీటీడీ పురాణ ఇతిహాస ప్రాజెక్టు ప్రత్యేకాధికారి శ్రీ కృష్ణమూర్తి తెలిపారు. అన్నమయ్య 523వ వర్థంతి ఉత్సవాల్లో భాగంగా తిరుపతిలోని అన్నమాచార్య కళామందిరంలో సోమవారం సాహితీ సదస్సులు ఘనంగా ప్రారంభమయ్యాయి.

ఈ సందర్భంగా శ్రీ కృష్ణమూర్తి “అన్నమయ్య కవితా రామణీయకం” అనే అంశంపై మాట్లాడుతూ, శ్రీ తాళ్ళపాక అన్నమాచార్యుల కవిత్వం మాధుర్యం, సరళత, భావగాంభీర్యంతో తెలుగు సాహిత్యంలో విశిష్ట స్థానం సంపాదించిందన్నారు. ఆయన సంకీర్తనల్లో భక్తి భావంతో పాటు కవితా సౌందర్యం, సులభమైన పదజాలం, మధురమైన లయ, లోతైన ఆధ్యాత్మిక తాత్వికత సమన్వయంగా కనిపిస్తాయని చెప్పారు. భావపూర్ణమైన పదప్రయోగం, అలంకారాల వినియోగం, సంగీతానికి అనుకూలమైన కవితా నిర్మాణం అన్నమయ్య కవితా రామణీయకానికి ప్రధాన లక్షణాలని వివరించారు.

అనంతరం విజయవాడకు చెందిన ఆచార్య నిర్మల “అన్నమయ్య రచనా వైభవం” అనే అంశంపై ప్రసంగిస్తూ, శ్రీ తాళ్ళపాక అన్నమాచార్యులు తెలుగు భక్తి సాహిత్యంలో అజరామరమైన స్థానం సంపాదించిన మహాకవి అని పేర్కొన్నారు. శ్రీ వేంకటేశ్వర స్వామివారిపై రచించిన వేలాది సంకీర్తనల్లో భక్తి, తత్వం, మానవీయ విలువలు, సామాజిక స్పృహ సమన్వయంగా ప్రతిఫలిస్తాయని తెలిపారు. భక్తి భావంతో పాటు జీవిత సత్యాలు, నైతిక విలువలను ఆయన సంకీర్తనల్లో చక్కగా ప్రతిబింబించారని చెప్పారు.

తదుపరి ఎస్వీ విశ్వవిద్యాలయం విశ్రాంత ఆచార్యులు ఆచార్య సర్వోత్తమరావు “అన్నమయ్య సంకీర్తనల్లో మానవీయ సంబంధాలు” అనే అంశంపై మాట్లాడుతూ, అన్నమయ్య కీర్తనల్లో తల్లి–బిడ్డల అనుబంధం, భర్త–భార్యల ప్రేమ, గురు–శిష్య సంబంధం, భక్తుడు–భగవంతుడి అనుబంధం వంటి అనేక మానవీయ సంబంధాలను ఎంతో హృద్యంగా చిత్రించారని చెప్పారు. సాధారణ జీవితంలో కనిపించే అనురాగం, కరుణ, దయ వంటి విలువలను ఆయన సంకీర్తనల ద్వారా తెలియజేశారని పేర్కొన్నారు. అందువల్ల అన్నమయ్య సంకీర్తనలు కేవలం భక్తి గీతాలు మాత్రమే కాకుండా మానవ సంబంధాల సౌందర్యాన్ని ప్రతిబింబించే సాహిత్య రత్నాలుగా నిలిచాయని తెలిపారు.

తర్వాత తిరుపతికి చెందిన డాక్టర్ సుబ్రహ్మణ్యం “సామాజిక చైతన్య శీల అన్నమయ్య” అనే అంశంపై ప్రసంగించారు.

సాయంత్రం 6 నుండి 7 గంటల వరకు తిరుపతికి చెందిన శ్రీ రంగనాథ్ బృందం సంగీత కార్యక్రమం, రాత్రి 7 నుండి 8.30 గంటల వరకు విశాఖపట్నానికి చెందిన శ్రీమతి ప్రశాంతి బృందం వీణా వాయిద్య కార్యక్రమం నిర్వహించనున్నారు.

ఈ కార్యక్రమంలో అన్నమాచార్య ప్రాజెక్టు ప్రత్యేకాధికారి శ్రీ మేడసాని మోహన్, సంచాలకులు శ్రీమతి లత, ఇతర అధికారులు, పురప్రజలు పాల్గొన్నారు.

Koil Alwar Tirumanjanam Performed at Sri Govindaraja Swamy Vari Temple

Spiritual 5:31 AM

Koil Alwar Thirumanjanam was performed as per temple traditions at the Sri Govindaraja Swamy Temple in Tirupati on Monday morning in view of the Ugadi Asthanam festival to be observed on March 19.

As part of the ritual, the Lord was awakened with Suprabhatam in the early hours, followed by Thomala Seva and Sahasranamarchana. Later, from 7 a.m. to 9 a.m., the temple premises including the sanctum of Sri Govindaraja Swamy, Sri Parthasarathi Swamy, Sri Andal Ammavaru, Sri Kalyana Venkateswara Swamy, and Sri Pundarikavalli Ammavaru were thoroughly cleaned.

After cleansing the temple premises, holy water mixed with fragrant ingredients such as Namakoppu, Srichurnam, kasturi turmeric, pachhaaku, camphor, sandalwood powder, kumkum and other sacred materials was sprinkled throughout the temple.

Devotees were allowed for Sarva Darshan from 9:30 a.m.

Temple Deputy Executive Officer Smt. Shanthi, AEO Sri Narayana Chowdary, Superintendent Sri Chiranjeevi, along with the temple priests, participated in the programme.

శ్రీ గోవిందరాజస్వామివారి ఆలయంలో శాస్త్రోక్తంగా కోయిల్‌ ఆళ్వార్‌ తిరుమంజనం sri govindaraja swmay vari temple

Spiritual 4:02 AM

తిరుపతి శ్రీ గోవిందరాజస్వామివారి ఆలయంలో మార్చి 19వ తేదీ ఉగాది ఆస్థానం పర్వదినాన్ని పుర‌స్క‌రించుకుని సోమ‌వారం ఉదయం కోయిల్‌ ఆళ్వార్‌ తిరుమంజనం శాస్త్రోక్తంగా జరిగింది.

ఇందులో భాగంగా తెల్లవారుజామున సుప్రభాతంతో స్వామివారిని మేల్కొలిపి తోమాలసేవ, స‌హ‌స్ర‌నామార్చ‌న నిర్వహించారు. త‌రువాత ఉద‌యం 7 నుండి 9 గంట‌ల వ‌ర‌కు శ్రీ గోవిందరాజస్వామివారి సన్నిధి, శ్రీ పార్థసారథి స్వామివారి సన్నిధి, శ్రీ ఆండాల్‌ అమ్మవారు, శ్రీ కల్యాణ వేంకటేశ్వరస్వామి, శ్రీ పుండరికవల్లీ ఆలయ ప్రాంగణం, గోడలు, పైకప్పు, పూజాసామగ్రి తదితర అన్ని వస్తువులను నీటితో శుద్ధి చేసిన అనంతరం నామకోపు, శ్రీచూర్ణం, కస్తూరి పసుపు, పచ్చాకు, గడ్డ కర్పూరం, గంధం పొడి, కుంకుమ, కిచీలీగడ్డ తదితర సుగంధ ద్రవ్యాలు కలగలిపిన పవిత్రజలాన్ని ఆలయం అంతటా ప్రోక్షణం చేశారు. అనంతరం ఉద‌యం 9.30 గంట‌ల నుండి భక్తులను సర్వదర్శనానికి అనుమతించారు.