పెద్దశేష వాహనంపై శ్రీ కోదండరాముడి దివ్య వైభవం pedda sesha vahanam

పెద్దశేష వాహనంపై శ్రీ కోదండరాముడి దివ్య వైభవం pedda sesha vahanam

Spiritual   5:55 AM

తిరుపతి శ్రీ కోదండరామస్వామివారి బ్రహ్మోత్సవాల్లో భాగంగా మొదటి రోజు మంగళవారం రాత్రి 7 గంటలకు పెద్దశేష వాహనంపై శ్రీ సీతా లక్ష్మణ సమేత శ్రీ రామచంద్రమూర్తి భక్తులకు దివ్య దర్శనం ఇచ్చి ఆనందపరిచారు.

గజరాజులు ముందుండగా, భక్తబృందాలు చెక్కభజనలు, కోలాటాలతో భగవన్నామ స్మరణలో మునిగిపోయి స్వామివారిని కీర్తించాయి. మంగళవాయిద్యాల నాదస్వరంతో వాహనసేవ ఎంతో భక్తి భావంతో, కోలాహలంగా జరిగింది. అడుగడుగునా భక్తులు కర్పూరహారతులు సమర్పించి స్వామివారి కటాక్షాన్ని పొందారు.

పెద్దశేష వాహనంపై దర్శనమిచ్చిన స్వామివారు, “నా భక్తులను నేను ఎల్లప్పుడూ కాపాడుతాను” అనే సందేశాన్ని ప్రసాదించారు. భక్తులు శేషుని వలె నిత్య సేవకులై, భగవత్ కృపను పొంది సత్ఫలితాలు సాధించాలని ఈ వాహనసేవ ద్వారా స్వామివారు అనుగ్రహించారు.

బ్రహ్మోత్సవాల్లో భాగంగా రెండో రోజు మార్చి 18న ఉదయం చిన్నశేష వాహనంపై స్వామివారు భక్తులను అనుగ్రహించనున్నారు.

ఈ కార్యక్రమంలో డెప్యూటీ ఈవో శ్రీమతి నాగరత్న, టెంపుల్ ఇన్స్పెక్టర్ శ్రీ సురేష్, ఆలయ అర్చకులు, విశేష సంఖ్యలో భక్తులు పాల్గొన్నారు.

Devotinal Music Programs Enthrall Devotees at Sri Kodandarama Swamy Vari Brahmotsavams

Devotinal Music Programs Enthrall Devotees at Sri Kodandarama Swamy Vari Brahmotsavams

Spiritual   5:53 AM

As part of the annual Brahmotsavams of Sri Kodandarama Swamy in Tirupati, devotional and musical programs organized on the cultural stage in the temple premises captivated the devotees.

On this occasion, faculty members and students of the TTD SV College of Music and Dance, along with the Nadaswaram and Dolu School, presented vocal, instrumental, and dance performances.

As part of the program, on Tuesday evening from 6:00 PM to 7:15 PM, the Nadaswaram & Dolu School faculty led by Sri S. Muniratnam presented devotional compositions including Pranamamyaham, Seethamma Mayamma, Upacharamu, Amma Ravamma, Brochevarevarura, and Ramachandruditadu.

Subsequently, from 7:15 PM to 8:30 PM, a Bharatanatyam dance performance was presented by the troupe of Sri M. Srinivas and Smt. Dhanashree. The performance featured items such as Pushpanjali (Ganesha Stuti), Natesha Kautham, Navarasa Varnam, and Ramabhadra Raara, which impressed the audience with their graceful execution.

The programs are being supervised by the college Principal, Dr. Uma Muddubala.

శ్రీ కోదండరామ స్వామివారి బ్రహ్మోత్సవాల్లో ఆకట్టుకున్న భక్తి సంగీత కార్యక్రమాలు cultural events

శ్రీ కోదండరామ స్వామివారి బ్రహ్మోత్సవాల్లో ఆకట్టుకున్న భక్తి సంగీత కార్యక్రమాలు cultural events

Spiritual   5:52 AM

తిరుపతి శ్రీ కోదండరామ స్వామివారి వార్షిక బ్రహ్మోత్సవాలలో భాగంగా ఆలయ ప్రాంగణంలో ఏర్పాటు చేసిన సాంస్కృతిక వేదికపై నిర్వహించిన భక్తి, సంగీత కార్యక్రమాలు భక్తులను విశేషంగా ఆకట్టుకున్నాయి.

ఇందులో భాగంగా టీటీడీ ఎస్వి సంగీత నృత్య కళాశాల, నాదస్వర మరియు డోలు పాఠశాల ఆధ్వర్యంలో అధ్యాపకులు, విద్యార్థులు గాత్రం, వాద్యం, నృత్యం మొదలైన కార్యక్రమాలు  నిర్వహించారు. 

ఇందులో భాగంగా  మంగళవారం సాయంత్రం 6 నుంచి రాత్రి 7:15 వరకు ఎస్వి నాదస్వర & డోలు పాఠశాల అధ్యాపకులు శ్రీ ఎస్.మునిరత్నం బృందం " ప్రణమామ్యహం, సీతమ్మ మాయమ్మ, ఉపచారము, అమ్మ రావమ్మా, బ్రోచేవారెవరే, రామచంద్రుడితడు అను కృతులు ఆలపించారు. తదుపరి రాత్రి 7:15 నుంచి 8:30 వరకు జరిగిన భరతనాట్య నృత్య కార్యక్రమంలో భాగంగా శ్రీ ఎం శ్రీనివాస్ & శ్రీమతి ధనశ్రీ బృందం " పుష్పాంజలి గణేష స్తుతి, నటేషా కౌతం, నవరస వర్ణం, రామభద్ర రారా " అను అంశాలు అద్భుత నృతం ప్రదర్శించారు. 

ఈ కార్యక్రమాలను కళాశాల ప్రిన్సిపాల్ డాక్టర్ ఉమా ముద్దుబాల పర్యవేక్షిస్తున్నారు.

టీటీడీ విద్యాసంస్థల్లో నాణ్యమైన విద్యాభివృద్ధికి ప్రత్యేక చర్యలు : టిటిడి జేఈవో డా. ఎ. శరత్ ttd jeo

టీటీడీ విద్యాసంస్థల్లో నాణ్యమైన విద్యాభివృద్ధికి ప్రత్యేక చర్యలు : టిటిడి జేఈవో డా. ఎ. శరత్ ttd jeo

  5:47 AM

టీటీడీ విద్యాసంస్థల్లో వచ్చే ఏడాది నుండి మరింత నాణ్యమైన విద్య అందించేందుకు ప్రత్యేక ప్రణాళికలు రూపొందించాలని టిటిడి జేఈవో (వైద్యం, విద్య) డా. ఎ. శరత్ సూచించారు. మంగళవారం ఎస్వీ ఆర్ట్స్ కళాశాల సమావేశ మందిరంలో డీఈవో శ్రీ వెంకట సునీలు, టిటిడి కళాశాలలు, పాఠశాలల ప్రిన్సిపాల్స్‌, హెడ్ మాస్టర్లతో సమావేశం నిర్వహించారు.

ఈ సందర్భంగా జేఈవో మాట్లాడుతూ,  రాష్ట్ర ముఖ్యమంత్రి శ్రీ నారా చంద్రబాబు నాయుడు, టిటిడి ఛైర్మన్ శ్రీ బీఆర్ నాయుడు, ఈవో శ్రీ ముద్దాడ రవిచంద్ర మార్గదర్శకత్వంలో విద్యాసంస్థల్లో పలు చర్యలు చేపడుతున్నట్లు చెప్పారు. విద్యార్థులకు నాణ్యమైన విద్యతో పాటు జ్ఞానం, నైపుణ్యాలు, విలువలను పెంపొందించి మంచి పౌరులుగా తీర్చిదిద్దేలా ఉపాధ్యాయులు కలిసి పని చేయాలని తెలిపారు.

విద్యార్థుల చదువులో మెరుగైన ఫలితాలు సాధించేందుకు పర్యవేక్షణ, మార్గదర్శకత్వం, ప్రత్యేక శ్రద్ధ అవసరమని సూచించారు. విద్యార్థులను వారి ప్రతిభ ఆధారంగా గ్రూపులుగా విభజించి, ప్రతి గ్రూపులో అన్ని రకాల విద్యార్థులు ఉండేలా చూసి, మంచి ప్రతిభ కలిగిన వారు ఇతరులకు సహాయం చేసే విధంగా ఏర్పాటు చేయాలన్నారు.

విద్యార్థులకు పాఠ్యాంశాలను సులభంగా అర్థమయ్యేలా బోధించాలని, చదువులో వెనుకబడిన వారిపై ప్రత్యేక శ్రద్ధ తీసుకుని, ఉపాధ్యాయులు పాఠాలు మరింత బాగా బోధిస్తే పరీక్షల్లో 100% ఉత్తీర్ణత సాధించవచ్చని తెలిపారు. అలాగే ఉపాధి ఆధారిత కోర్సులు, కొత్త విద్యా విధానంపై కూడా దృష్టి పెట్టాలని సూచించారు.

వచ్చే విద్యా సంవత్సరం నుండి ఉపాధ్యాయులు పాఠ్యాంశాలను సకాలంలో నవీకరించాలన్నారు. డిజిటల్ బోధన పద్ధతులు, స్మార్ట్ క్లాసులు ఉపయోగించాలని, ముందుగానే లెసన్ ప్లాన్ సిద్ధం చేసి బోధించే విధంగా కార్యాచరణ సిద్ధం చేయాలన్నారు. విద్యార్థులకు కెరీర్ గైడెన్స్, కౌన్సిలింగ్ తో పాటు వారి పురోగతిని నిరంతరం నమోదు చేయాలన్నారు. విద్యార్థులు, వారి తల్లిదండ్రుల అభిప్రాయాలను సేకరించి, విద్యార్థుల సంక్షేమంపై కూడా దృష్టి పెట్టాలన్నారు.

డోలు విద్యార్థిని అభినందించిన జేఈవో

ఎస్వీ మ్యూజిక్ కాలేజీకి చెందిన శ్రీ కె. ప్రదీప్ జాతీయ స్థాయి డోలు వాయిద్య పోటీల్లో ప్రథమ బహుమతి సాధించినందుకు జేఈవో అభినందించారు. చెన్నైలోని సత్యభామ విశ్వవిద్యాలయంలో జరిగిన ఈ పోటీల్లో దేశవ్యాప్తంగా 150 విశ్వవిద్యాలయాల విద్యార్థులు పాల్గొన్నారు. ప్రదీప్‌కు డోలు వాయిద్యంలో శిక్షణను హెచ్‌ఓడీ శ్రీ వైఎల్. శ్రీనివాస్ అందించారు.

ఈ కార్యక్రమంలో  ఎస్వీ ఆర్ట్స్ కళాశాల ప్రిన్సిపాల్ శ్రీ వేణుగోపాల్ రెడ్డి, ఎస్జీఎస్ కళాశాల ప్రిన్సిపాల్ శ్రీ సత్యనారాయణ, ఎస్పీడబ్ల్యూ డిగ్రీ కళాశాల ప్రిన్సిపాల్ శ్రీమతి నారాయణమ్మ, ఎస్పీడబ్ల్యూ జూనియర్ కాలేజీ ప్రిన్సిపాల్ శ్రీమతి భువనేశ్వరి, ఎస్పీడబ్ల్యూ పాలిటెక్నిక్ కళాశాల ప్రిన్సిపాల్ శ్రీమతి పద్మావతమ్మ, ఎస్వీ మ్యూజిక్ కళాశాల ప్రిన్సిపాల్ శ్రీమతి ఉమ ముద్దుల తదితరులు పాల్గొన్నారు.