దేవుని కడప శ్రీ లక్ష్మీ వేంకటేశ్వరస్వామివారి ఆలయంలో ముగిసిన ప‌విత్రోత్స‌వాలు devuni kadapa

దేవుని కడపలోని శ్రీ లక్ష్మీ వేంకటేశ్వరస్వామివారి ఆలయంలో మూడు రోజుల‌పాటు జ‌రిగిన ప‌విత్రోత్స‌వాలు శ‌నివారం మహాపూర్ణాహుతితో ముగిశాయి. ఉత్సవాల్లో భాగంగా చివరిరోజు ఆలయంలో విశేష పూజా కార్యక్రమాలు నిర్వహించారు.

ఇందులో భాగంగా ఉద‌యం 6 నుండి మ‌ధ్యాహ్నం 1 గంట వ‌ర‌కు మహాపూర్ణాహుతి,  పవిత్ర వితరణ,  కుంభ ప్రోక్ష‌ణ నిర్వ‌హించారు. అనంత‌రం సాయంత్రం 5 గంట‌లకు తిరువీధి ఉత్స‌వం జ‌ర‌గ‌నుంది. సాయంత్రం వీధి ఉత్స‌వం నిర్వ‌హించారు.

ఈ సందర్భంగా టిటిడి హిందూ ధర్మప్రచార పరిషత్‌, అన్నమాచార్య ప్రాజెక్టు ఆధ్వర్యంలో భక్తి సంగీతం, హరికథ, దాససాహిత్య ప్రాజెక్టు ఆధ్వర్యంలో భజన కార్యక్రమాలు జ‌రిగాయి.

ఈ కార్య‌క్ర‌మంలో ఆలయ డిప్యూటీ ఈవో శ్రీమతి ప్రశాంతి, ఏఈఓ శ్రీ రవి,  టెంపుల్ ఇన్‌స్పెక్ట‌ర్‌ శ్రీ ఈశ్వ‌ర్ రెడ్డి, ఆల‌య అర్చ‌కులు, విశేస సంఖ్య‌లో భ‌క్తులు పాల్గొన్నారు.