నవంబర్ 14, 15వ తేదిలతో ముగియనున్న మ్యూజియం ట్రయల్ రన్‌

తిరుమలలో నూతనంగా ఆధునీకరించిన శ్రీ వేంకటేశ్వర మ్యూజియం సందర్శనకు నిర్వహిస్తున్న ట్రయల్ రన్‌ను నవంబర్ 15వ తేదీ వరకు పొడిగించిన విషయం తెలిసిందే. ఈ ట్రయల్ రన్‌కు మరో రెండు రోజులు మాత్రమే గడువు ఉన్న నేపథ్యంలో, నవంబర్ 14, 15 తేదీల్లో ఈ అవకాశాన్ని సద్వినియోగం చేసుకోవాల్సిందిగా టీటీడీ కోరుతోంది.

ఈ నేపథ్యంలో టీటీడీ ఉద్యోగులు, వారి కుటుంబ సభ్యులు, తిరుమల, తిరుపతిలో పనిచేసే మీడియా ప్రతినిధులు, వారి కుటుంబ సభ్యులు, టీటీడీ విద్యా సంస్థలకు చెందిన విద్యార్థినీ, విద్యార్థులు, శ్రీవారి సేవకులను ఉదయం 10 గంటల నుంచి సాయంత్రం 5 గంటల వరకు మ్యూజియం సందర్శనకు ఉచితంగా అనుమతించడం జరుగుతుంది.

ట్రయల్ రన్ పూర్తయిన అనంతరం నవంబర్ 16వ తేదీ నుంచి భక్తులను మ్యూజియం సందర్శనకు అనుమతించడం జరుగుతుంది. మ్యూజియం ప్రవేశ రుసుమును రూ.50గా నిర్ణయించడం జరిగింది.