శ్రీ కపిలేశ్వరాలయంలో ఘ‌నంగా లక్ష కుంకుమార్చన lakshakumkumarchana

శ్రీ కపిలేశ్వరాలయంలో ఘ‌నంగా లక్ష కుంకుమార్చన lakshakumkumarchana

Spiritual   5:33 AM

తిరుపతి శ్రీ కపిలేశ్వరస్వామివారి ఆలయంలో శ్రావణమాసంలో చివరి శుక్రవారం శ్రీ కామాక్షి అమ్మవారికి శాస్త్రోక్తంగా లక్ష కుంకుమార్చన నిర్వహించారు.

ఇందులో భాగంగా ఆలయంలోని మండపంలో శ్రీ మహాలక్ష్మీ అమ్మవారు, శ్రీ సరస్వతి అమ్మవారు, శ్రీ కామాక్షి అమ్మవార్లను కొలువుదీర్చి కుంకుమార్చన నిర్వ‌హించారు. ముందుగా క‌ల‌శ‌స్థాప‌న‌, గ‌ణ‌ప‌తి పూజ‌, పుణ్యాహ‌వ‌చనం, క‌ల‌శారాధ‌న చేశారు. ఈ సందర్భంగా కుంకుమతో అమ్మవారికి అర్చన చేశారు.

ఈ కార్యక్రమంలో ఆల‌య డెప్యూటీ ఈవో శ్రీమ‌తి నాగ‌ర‌త్న‌, సూపరింటెండెంట్‌ శ్రీ చంద్ర‌శేఖ‌ర్‌, ఇత‌ర అధికారులు, అర్చ‌కులు, విశేష సంఖ్యలో భ‌క్తులు పాల్గొన్నారు.

నిత్యం శ్రీవారికి 45 ప్రసాదముల నివేదన srivari prasadms

నిత్యం శ్రీవారికి 45 ప్రసాదముల నివేదన srivari prasadms

Spiritual   4:01 AM

తిరుమల శ్రీవేంకటేశ్వరస్వామివారికి ప్రతిరోజూ వివిధ రకాల అన్నప్రసాదాలు, పిండి వంటలు, ఇతర రుచికరమైన పదార్థాలను శాస్త్రోక్తంగా నైవేద్యంగా సమర్పిస్తారు. ఉదయం, మధ్యాహ్నం, రాత్రి వేళల్లో జరిగే నైవేద్య కైంకర్యాల్లో ఆయా సమయాలకు అనుగుణంగా ప్రత్యేకమైన ప్రసాదాలను స్వామివారికి సమర్పించడం ఆనవాయితీగా వస్తోంది.

ప్రసాదాల వెనుక వైఖానస ఆగమ సంప్రదాయాలు

తిరుమల శ్రీవారి ఆలయంలో నైవేద్యాలకు ప్రత్యేకమైన వైఖానస ఆగమ సంప్రదాయాలు ఉన్నాయి. ఆలయ పోటులో నైవేద్య పదార్థాలను అత్యంత పవిత్రతతో, సాంప్రదాయ పద్ధతులకు అనుగుణంగా సిద్ధం చేస్తారు. నైవేద్య తయారీలో ఉపయోగించే పదార్థాలు, పాత్రలు, తయారీ విధానాలకు కూడా ప్రత్యేక ప్రాధాన్యం ఉంటుంది.

శ్రీవారి నైవేద్యంలో ఎండుమిర్చి, పచ్చిమిర్చిని ఉపయోగించకుండా నల్లమిరియాలను వినియోగించడం ప్రాచీన సంప్రదాయంగా కొనసాగుతోంది. వైఖానస పరిభాషలో భక్తులు పులిహోరగా పిలుచుకునే ప్రసాదాన్ని ‘తింత్రిణీరసాన్నం’, నెయ్యి పొంగలిని ‘ముద్గాన్నం’, బెల్లం అన్నాన్ని ‘గుడాన్నం’, మిరియాల అన్నాన్ని ‘మరీచ్యాన్నం’, వడను ‘మాషాపూపం’, దోశను ‘చక్రప్పం’ అని పిలుస్తారు.

ఈ సాంప్రదాయ పేర్లు, తయారీ విధానాలు శ్రీవారి నైవేద్యాల వెనుక ఉన్న ప్రాచీన ఆగమ సంప్రదాయాల ప్రత్యేకతను తెలియజేస్తాయి.

నిత్యం 45 ప్రసాదాల నివేదన :

నైవేద్య ప్రియుడైన శ్రీవారికి అనునిత్యం 45 రకాల ప్రసాదాలను నివేదిస్తారు. వీటిలో 20రకాల అన్న ప్రసాద నైవేద్యములు కాగా మిగిలినవి పణ్యారములు కావడం విశేషం.

 మొదటి గంట అనంతరం ఉదయం నైవేద్యం

ఆలయంలో మొదటి గంట అనంతరం స్వామివారికి ఉదయం నైవేద్యాన్ని సమర్పిస్తారు. ఈ సమయంలో మాత్రాన్నం, ముద్గాన్నం (నెయ్యి పొంగలి), తింత్రిణీరసాన్నం (పులిహోర), దధ్యోదనం (పెరుగన్నం), గుడాన్నం (బెల్లం అన్నం/చక్ర పొంగలి), శాకాన్నం (కదంబం అన్నం), శర్కరాన్నం (రవ్వకేసరి) వంటి ప్రసాదాలను సమర్పిస్తారు.

వీటితో పాటు ప్రతిరోజూ నాలుగు రకాల పణ్యారములు లేదా పిండి వంటలను కూడా నైవేద్యంగా సమర్పిస్తారు. వీటిలో లడుకం (లడ్డు), మాషాప్పం (వడ), గుడప్పం (అప్పం), చక్రప్పం (దోశ) ఉన్నాయి.

రెండో గంట అనంతరం రాజభోగం

రెండో గంట అనంతరం స్వామివారికి మధ్యాహ్న నైవేద్యం లేదా రాజభోగాన్ని సమర్పిస్తారు. ఈ సమయంలో శుద్ధాన్నం (తెల్ల అన్నం), పులిహోర, గుడాన్నం, దధ్యోదనం, శీరా లేదా శక్కరభాత్ వంటి ప్రసాదాలను నైవేద్యంగా సమర్పిస్తారు.

మూడో గంట అనంతరం శయనభోగం

మూడో గంట అనంతరం రాత్రి నైవేద్యంగా శయనభోగాన్ని నిర్వహిస్తారు. ఈ సమయంలో మరీచ్యాన్నం (మిరియాల అన్నం), చక్రప్పం (దోశ), లడుకం (లడ్డు), మాషాప్పం (వడ), శర్కరాన్నం తదితర ప్రసాదాలను స్వామివారికి సమర్పిస్తారు.

సాయంకాల ఆరాధనలో ప్రత్యేక కైంకర్యాలు

సాయంకాల ఆరాధన సమయంలో గర్భాలయాన్ని మరోసారి శుభ్రపరిచి, శ్రీవారిని తాజా పుష్పాలతో అలంకరిస్తారు. సాయంకాల కైంకర్యాల అనంతరం నిర్వహించే శయనభోగంలో భాగంగా అర్ధరాత్రి సమయంలో స్వామివారికి ‘తిరువీసం’ అనే ప్రత్యేక నైవేద్యాన్ని సమర్పిస్తారు.

తిరువీసంలో తెల్ల అన్నంతో పాటు బెల్లంతో తయారు చేసిన తీపి రుచిగల గుడాన్నం ఉంటుంది.

రోజులో చివరిగా నిర్వహించే ఏకాంత సేవలో స్వామివారికి వెచ్చని పాలు, కాలానుగుణంగా లభించే ముక్కలుగా కోసిన పండ్లు, నెయ్యిలో వేయించిన ఎండు పండ్లు సమర్పిస్తారు.

ప్రాచీన సంప్రదాయాలకు ప్రతీకగా నైవేద్య కైంకర్యాలు

శ్రీవారికి సమర్పించే నైవేద్యాలన్నీ ఆలయ సంప్రదాయాలు, ఆగమ విధానాలకు అనుగుణంగా సిద్ధం చేసి సమర్పిస్తారు. ప్రతి నైవేద్యానికి ప్రత్యేకమైన పేరు, తయారీ విధానం, సమర్పించే సమయం ఉండటం తిరుమల ఆలయ వైభవాన్ని ప్రతిబింబిస్తుంది.

భక్తులు ప్రసాదంగా స్వీకరించే పులిహోర, పొంగలి, వడ, అప్పం తదితర పదార్థాల వెనుక ఇమిడి ఉన్న ఈ ప్రాచీన వైఖానస ఆగమ సంప్రదాయాలు శ్రీవారి నైవేద్యాల ప్రత్యేకతను మరింతగా తెలియజేస్తున్నాయి.

ప్రతిరోజూ వివిధ సమయాల్లో నిర్వహించే ఈ నైవేద్య కైంకర్యాలు తిరుమల శ్రీవారి ఆలయ ప్రాచీన వైదిక, ఆగమ సంప్రదాయాలకు ప్రతీకగా నిలుస్తున్నాయి.

UNPRECEDENTED DEVOTEE RUSH IN TIRUMALA

UNPRECEDENTED DEVOTEE RUSH IN TIRUMALA

Spiritual   7:02 AM

An unprecedented rush of devotees has been witnessed in Tirumala.

At present, it is taking approximately 24 hours for Srivari darshan. 

As there are consecutive holidays from September 12 to 14, the rush of devotees is likely to increase further.

In view of this, the VIP Break Darshan scheduled for Sunday, September 13, has been cancelled by TTD. Accordingly, the recommendation letters will not be accepted on Saturday, September 12. 

The time allotted for the cancelled VIP Break Darshan on Sunday will  be utilised to provide darshan to the common devotees.

Therefore, the devotees are requested to take note of this and cooperate with TTD.

శ్రీ‌వారి ద‌ర్శ‌నానికి 24 గంట‌ల స‌మ‌యం ఆదివారం వీఐపీ బ్రేక్ ద‌ర్శ‌నాలు ర‌ద్దు devotee rush

శ్రీ‌వారి ద‌ర్శ‌నానికి 24 గంట‌ల స‌మ‌యం ఆదివారం వీఐపీ బ్రేక్ ద‌ర్శ‌నాలు ర‌ద్దు devotee rush

Spiritual   7:01 AM

తిరుమ‌ల‌లో భ‌క్తుల అనూహ్య ర‌ద్దీ నెల‌కొంది. ప్ర‌స్తుతం క్యూలైన్ల‌లోని భ‌క్తుల‌కు స్వామివారిని ద‌ర్శించుకునేందుకు 24 గంట‌ల స‌మ‌యం ప‌డుతోంది. అంతే కాకుండా 12వ తేది నుండి 14వ తేది వ‌ర‌కు వ‌రుస సెల‌వుల రానున్న నేప‌థ్యంలో భ‌క్తుల ర‌ద్దీ మ‌రింత పెరిగే అవ‌కాశ‌ముంది.

ఈ కార‌ణంగా 13వ తేది ఆదివారం నాడు వీఐపీ బ్రేక్ ద‌ర్శ‌నాల‌ను ర‌ద్దు చేయ‌డం జ‌రిగింది. అంటే 12వ తేది శ‌నివారం సిఫార్సు లేఖ‌లు స్వీక‌రించ‌బ‌డ‌వు. ఆదివారం నాడు ర‌ద్దు చేయ‌బ‌డిన వీఐపీ బ్రేక్ ద‌ర్శ‌న‌ స‌మ‌యాన్ని  సామాన్య భ‌క్తుల‌కు స్వామివారి ద‌ర్శ‌నం క‌ల్పించేందుకు వినియోగించ‌డం జ‌రుగుతుంది.

ఈ విష‌యాన్ని గ‌మ‌నించి టీటీడీకి స‌హ‌క‌రించాల్సిందిగా భ‌క్తుల‌కు విజ్ఞ‌ప్తి చేయ‌డ‌మైన‌ది.